U woord my God is al waarna ek smag,
ek bedink dit dag en nag,
Dit is my enigste hoop, my enigste krag.
My hart sal U redding altyd verwag.
Daar is vir my geen goed bo U,
want U het my geheilig,
U het my beveilig.
Deur die kruishout is U Seun gepynig,
deur Sy bloed word ek gereinig.
Tot U lof en eer,
het dit gebeur.
Ja tot U lof en eer,
het my sonde oor my nie beheer.
Om te wandel in U weg,
sonder skuld voor die gereg,
kom slegs navore,
in die hart opnuut gebore.
Laat my jubel en sing,
al sal die vyand en dood my omring.
Hy bly ewig en getrou,
Sy liefde het my omvou,
op Hom alleen sal ek vertrou.
Met vreugde sal daar verrys,
‘n lied, ja ‘n Psalm, wat Sy deugde prys.
Uit die dieptes van my hart,
eens gevul met sonde en smart.
Kan nou jubel en juig,
en niks sal my laat swyg,
Hy is my God, laat my lewe getuig.
Shoe Marnu dit is verskriklik mooi!