By U wil ek vir ewig bly.
Deur U Seun is ek verlos,
die Woord meer werd as aardse kos.
Die Gees wat my laat bely:
In U teenwoordigheid is ek altyd vry.
Verhef U aangesig oor my,
omring my met U welbehae.
Laat hulle altyddeur my hart verbly
en ek U loof al my lewensdae.
Groot is die werke van U hand.
Deur U asem hou alles stand.
In die moederskoot is ek saam geweef,
om vir U alleen te leef.
sodat ek my in U kan verheug,
met elke asemteug.
O Vader my lewe is in U beheer,
my lippe gee U die lof en eer,
sodat die Gees hul bekeer,
wat sien U is die Koning en u regeer.