Here elke dag vra ek dat ek U kan beleef,
dat ek in U teenwoordigheid mag streef.
Die antwoord sit al jare voor my oë,
die waarheid oor my lewe maak my bewoë.
Here ons sê soms voel dit of U ver is,
dat U die swaarkry in ons lewe nie uitwis.
Ons hou aan skarrel in die nuttelose lewe,
ons werk ons self oor ‘n mik van sewe tot sewe.
Here ons is nie hier op aarde,
vir enige aardse ding met waarde.
Net soos U, U Seun gestuur het,
Gee Jesus ons Sy visserman vangnet.
Jesus se opdrag aan my en jou,
is om op die fondament van die apostels te bou.
Ons wonder hoekom die Here ver voel.
Dit is omdat ons met wêreldse dinge woel.
Here maak my oë oop,
vir die dinge waarby ek net verby loop.
Here laat my dinge in my alledaagse lewe,
met U oë en hart belewe.
Soos uitgedroogde koring gerwe,
beleef ons ‘n voortdurende sterwe.
Ons sal slegs weer begin vlam vat,
as ons werk in die waterstroom van God se woord bad.
O Heer vergewe
my lou warm lewe.
Here U het aan ‘n kruis gely,
my ou mens is verby,
sodat ek die grootste seëning kon kry.
Om as U dienaar in U koninkryk te arbei.