Month: December 2022

Geskarrel en gejaag, die vonnis gaan daal.
Gedagtes vol van woorde, maar dade is maar skraal…

My verlosser weet, my verlosser weet,
van Sy kind sal hy nie vergeet…

Vandag as ons hoor sal ons Sy ere nie beroof,
en tot in alle ewigheid sal ons Hom loof,
want Hy doen wat Hy beloof.

Help ons Vader om in swaarkry te verheug,
omdat ons weet dit is vir U ‘n deug…

Hy is wie Hy is…
Hy laat vaar nie wie Hy is, vir jou, o nee, gewis!
Sy regverdige oordeel moet op iemand rus!
Dit verdwyn nie soos mis…

Elke dag is ‘n dag,
maar nie dié dag…

Buig ek voor die Regter neer,
dieselfde Een wat sonde met vuur verteer.

Vir die suster in geloof,
laat géén seun of man jou beroof,
wag vir ‘n man wat Christus erken as Hoof,
‘n godvresende man word jou beloof.

Laat my stil raak en dink,
more kan die dood my nader wink.

Vader, is my lewe bloot lippetaal?
Slegs die geraas van klinkende metaal?
Die gedruis van die luidende simbaal?
En as my lippe my gewete betaal,
is dit die einde van die verhaal?
Bloot lippetaal…